Dokument znajduje się w zbiorach Archiwum Głównego Akt Dawnych w Warszawie 

─────────────────────────────────────────────────────────────────────────────

 

                                                                                   

                                                                                      

 

 

 

Hołd lenny książąt mazowieckich 

 

14 XI 1425, Brześć Litewski 

 

♦ 

 

Nos Semouitus iunior et Kazimirus Dei gracia duces Mazouie etc. fratres germani recognocimus 
quibus expedit  vniuersis, quomodo do mandato, voluntatete certa sciencia et consensu speciali incliti 
domini Semouiti ducis Masouie senioris illustris genitoris nostri carissimi et ipsius nomine 
recognouimus et tenore presencium recognoscimus prefatum patrem nostrum verum fidelitatis 
omagium serenissimo domino Wladislao Dei gracia regi Polonie tamquam suo domino prestitisse, 
sicut illud illustris dominus Johannes dux Mazouie frater ipsius, patruus noster carissimus prestitit et 
ipse dominus Semouitus pater noster se esse et fuisse principem predicti domini regis et ipsius Regni 
et Corone Polonie profitetur et non negat. Et hocipsum prefatus genitor noster ore proprio et in 
presencia eiusdem domini Wladislai regis constitutus, dum  et quando sibi idem dominus Wladislaus 
rex locum et terminum assignabit, fideliter et constanter, omni contradiccione, excepcione et 
tergiuersacione cessante debet profiteri, quem eciam ad hoc faciendum nos tamquam veri ipsius filii et 
coniuncte cum eo persone ac ipsius nunccii speciales et suorum negociorum gestores eius nomine et 
nostro ac ex certa ipsius sciencia obligamus. Volumus autem dum et quando prefatus genitor noster 
coram ipso domino Wladislao rege Polonie et dominis Regni sui recognoscet et fatebitur cum effectu 
se esse verum omagialem et principem suum et Regni sui, vt premissum est predicti Wladislai regis 
Polonie, et principem ipsius Regni et Corone suarum, hanc literam nostram nullius esse momenti. 
Harum quibus sigilla nostra presentibus sunt appensa testimonio literarum. Datum in Brzescze 
Ruthenico feria quarta infra octauam Sancti Martini anno Domini millesimo quadringentesimo 
vicesimo quinto.