Pon Hilary łod niedzieli

Po chałupie szuko breli.

Szuko w gaciach i kabocie,

Kiery wdzioł przi robocie,

Obmacuje badehołzy,

Z geburtstagu, ... te od Rozy.

Potym skoczoł na gylynder,

Żeby pojrzeć na blumsztynder.

Szukoł w szranku i byfyju,

I w piwnicy i antryju,

W zeloźnioku i kachloku.

Pod delinom i w parzoku.

Nawet za wertikym w siyni,

Ale bryle diobli wziyni.

Już go wszelko chynć opadła,

Naroz pojrzoł se do zdrzadła,

I pomyśloł Ty ramolu,

Dyć je nosisz na kicholu.