"Pan Hilary"

Loto, rycy upa Hile.

- Kule ! Kaj som moje bryle !

Sznupie w szranku, w jupce sznupie.

- Kaj te moje bryle gupie !

Prawy, lewy szczewik zbadoł.

- Jo za chwila byda padoł.

Wszystko w szpindzie poprzewracoł,

Maco szaket, gacie maco.

- Hryja ! - Rycy. Hryja istno, któś mi

moje bryle świsnoł !

Pod szezlongiem, na szezlongu.

Sznupie wszyndzie, dycho, fuczy.

Kachlok, komin - wszyndzie szpyro.

Wariacyjo go zebiero ;

W klopie, w sznicie, prykol przeciep,

aż go herklekotyzm gniecie.

Chnet podłoga bydzie zrywać,

policyjo bydzie wzywać.

Wartko bliknoł w srogie żadło.

- Mie coś chyba w ślepia wpadło ?

- Znodżech bryle ! Tukej som !

Jaki jo tu bajzel mom !

Toż tyn mamlas czasu tyle

Na kicholu nosił bryle !