"SZNITKA CHLEBA"

Pszaja ci sznitko chleba
sucho i posmarowano,
chciołbych byś boła zy mnom
co wiecor i co rano. 

 

Tysionce lot za tobom
i chciołbych by terozki,
stykło mi cie zawsze
syciołaś nos i gości. 

 

Na kożdym leżysz stole
na ślonsku i w Warszawie,
we knajpie ze gwiozdkoma
i na biedoka ławie. 

 

Nigdy cie nie wyciepna
choć suchyś i szczerstwiały,
bo wiem że nasze rynce
cie z mołki ugniotały. 

 

Krynćyli ło ciem filmy
pisali ło cie jesce,
że żodyn się nie łopsze
by bajsnońć choć kapeckę. 

 

Nie musza mieć miljonof
styknie mi chleba sznita,
złotym we strożaku
nie najys sie do syta.

---